احسن واسهل طريقه لطبخ صدور الفراخ

صدور الفراخ مع جبنه المودزريلا :)

هتجيبى صدور الفراخ حسب العدد اللى هياكل اقتراحى 3 صدر فرخه

جبنه مودزيريلا

بقدونس وكزبره خضرا

4 ثومات مفرومين ومعلقة خل تفاح

زيت زيتون او اللى بتحبى تستعمليه

والتوابل حسب اللى موجود عندك ويفضل كمون وحبهان 

______________________________________________

الطريقه.. هتقطعى صدور الفراخ قطع متساويه عشان الشكل زى مكعبات الثلج 

او اكبر وبعدين شوحيها كويس 

وتفرومى البقدونس مع الكزبره والتوم ومعلقة الخل

هتحطى الزيت فى المقلاه  ولما يسخن حطى الفراخ بالخلطه اللى فرمتيها وقلبى شويه وكل ما ينشف ممكن تزودى معلقة مايه

عشان ميتحرقش منك 

ودوقى الفراخ وحطى الملح حسب اللى تحبيه والتوابل 

بعدين او ما تبدأ تستوى ضيفى الجبنه واستنى لما تغطى كل الفراخ و خرجى الفراح وقدميها فى طبق 

او حطى قطع الفراخ فى الفرن وعليها الجبنه وخرجيها بعد 3 دقايق بس يتحمر الوش بتاع الطبخه 

ممكن للعشا او لغدوايه خفيفه او للأطفال فى المدرسه وبالهنا والشفا :)

بقلم Aya mohamed

بدرس الكمياء وبحب التكنولوجيا جدا وبحاول اتعلم على قد ما اقدر لان مفيش حاجه اسمها مستحيل ان شاء الله

Posted in: اكلات, المطبخ